Þessa setningu fékk ég að heyra hundrað sinnum frá Sigurði á laugardagsnóttina...enda kallinn orðinn 28 ára, til hamingju með það gamli minn  

Það gerist nú mest lítið hjá mér eitthvað, en það er svo sem ekkert nýtt hahahha
Reyndar fór á skíði á sunnudaginn, tók Söru litlu og Júlíu með mér, það var svaka stuð hjá okkur gellunum í brekkunum, nú er bara svo að vera dugleg að fara, loksins búin að vígja árskrotið hahhaha

Ég verð nú bara að segja að ég er mjög sátt við HM, þó svo að árangurinn hefði getað verið betri, stöngin inn og þá hefði farið allt öðruvísi, en ég elska samt alexander og bara reyndar flest alla í þessu landsliði okkar Djöfull var nú gaman að geta horft svona mikið á handbolta, jaðraði bara við það að ég saknaði þess að spila hann ekki lengur hahha

Við magnaðar gellur verðum ekki lengur magnaðar heldur hamraðar gellur... Gengum til liðs við Hamrana nú á dögunum og hamrarnir því þokkalega orðið flottasta liðið í bænum með bæði meistaraflokk karla og kvenna undir einu nafni, klöppum fyrir því

Jæja nenni ekki meir í bili, en bara minna ykkur á það að ég á afmæli eftir 51 dag, þannig að byrjiði að spara ;)

Vá ég hef mikið verið að velta þessari setningu fyrir mér, heyrði hana í lagi um daginn og held reyndar að lagið heiti þetta, er samt ekki alveg viss....en akkuru er þetta svona, ekkert alltaf kannski en mjög oft samt???? pirripirr hahaa

Ingan sem keypti sér árskort í fjallið hefur ekki enn látið sjá sig í brekkunum en stefnan er sett á það næstu helgi að breyta því, þannig að þið skíðagarpar, nú þurfið þið sko aldeilis að fara vara ykkur  En ég verð án efa orðin mjög öflug innan skamms, ekki það að ég sé eitthvað léleg sko, ekki þannig, fer bara ekki í strýtuna....en hún Hansína mín ætlar að taka mig í læri þannig að ég verð orðin spræk fljótlega

Það er allt að gerast hjá spingu (spangaingu) er farin að tyggja með jöxlunum, er einmitt í þessum skrifuðu að reyna að borða nammi, enda kominn tími til þar sem það er nú laugardagur og ég hef ekki smakkað nammi í tvær vikur....ég lofa ég er ekki að ljúga hahaha ógeð dugleg, en kókið er nú ekkert að minnka samt, en voandi gerir það það fljótlega....enda farin að vera fastagestur á Bjargi, þokkalega sátt með það og það er farið að flísast aðeins utan af manni

Ísland byrjaði vel á HM, vonandi að það haldi áfram þannig, spennt að sjá leikinn á morgun og svo er nottla stórleikur mínir menn að taka á mótu united, eins gott að þeir vinni annars verð ég alveg

jæja best að fara vinna eitthvað af viti og einbeita sér að þessu nammi sem ég er að reyna éta hérna

Já þar sem það styttist allsvaðalega í það að árið 2007 gangi í garð er alveg spurning um að gera upp árið 2006...

Það er nú svo sem held ég ekkert sem stóð alveg brjálæðislega upp úr sko, er reyndar helvíti gleymin svona í morgunsárið

Ég tók þá afdrifa ríku ákvörðun um að hætta í handbolta, sé svo sem ekkert eftir því, en það er samt aldrei að vita að ég byrji aftur sko, kannski ekkert endilega í dag, en aldrei að segja aldrei haha

Ég spilaði fótbolta með ofurliði Magna, spilaði 4 leiki sem framherji og btw skoraði ekkert og svo var ákveðið að skella ingu í markið þar sem dæja pæja þurfti að smella á sig skíðunum í útlandinu og já já það var svo allt í lagi og þegar leið á var ég bara farin að fýla það að vera í marki og skoraði meira að segja 3 mörk í markmannshönskunum, það voru víti...

litla sys útskrifaðist úr MA, stolt af stúlkunni minni þar

Marthan mín eignaðist lítinn gullmola sem í gær hlaut nafnið Dagur Árni, mjög fallegt, og eitthvað rámar mig nú í það að Martha hafi alltaf talað um þetta Dags nafn þegar verið var að ræða barnanöfn, er það ekki Martha mín??

Svo eru bara að bætast við börn í hópinn, Bibban mín og Sigga, alveg hreint æðislegt, alveg spurning hver verður næst, en eitt er víst að það verður ekki ég sem fæ bumbu, eða allavega ekki sem inniheldur barn

Ég fór í fyrsta skipti á krossara og ég get ekki sagt að ég hafi verið mjög öflug, ruglaðist á bremsu og bensíngjöf svona tuttugu sinnum, datt oft en það ótrúlega við það var það að ég meiddi mig samt ekki neitt, góðar þessur brynjur og þetta drasl sem maður er með Ég held að Konna hafi ekkert verið sama á tímabili, en það var lang skemmtilegast að sitja bara aftan á og láta hann um að keyra, þá fór maður allavega hratt

Ég keypti mér skíði, skíðadress og árskort en er ekki enn farin að láta sjá mig í fjallinu, fínt að hafa þetta bara svona til sýnis heima hahaha nei nei það fer að koma að því að ég skelli mér, hef bara ekkert vaðið í frítíma undanfarið

Hápunkturinn var svo klárlega þegar ég stóð eðlisvísindin, var búin að ákveða, eða svona nánast, að skipta yfir í íþróttakennarann ef ég næði þessu ekki í des eða jan, en viti menn tjellan bara rúllaði þessu upp, hóst hóst rúllaði, jæja allavega náði bara í des, þannig að ekkert í próf í janúar, þvílík gleði

Við gells kíktum til Elmars og Eyrúnar um versló, fórum ss á Neistaflug, það var bara mjög gaman, snilld að gera eitthvað annað um versló en að vera á ak og vinna og djamma eitthvað inn á milli.. allavega mjög gaman bara

Ég kynntist fullt af nýju fólki á árinu, allar Magnagellurnar og svona og svo verð ég að nefna eina manneskju sem ber einfaldlega höfuð og herðar yfir aðrar (ekkert illa meint þið hin sko, þið eruð æðisleg) en hún Hansína mín er bara pemantur með stóru P-éi, hún er svooo mikill snillingur, alltaf eldhress og skemmtileg og það er sko hægt að plata hana í allt og ég meina allt... hún kallar sko ekki allt ömmu sína hún Sína mín  Þið hin eruð samt æði líka sko

úff voðalega er ég eitthvað léleg ég bara man ekki neitt.. en áramótheit, ég ætla nú svo sem ekkert að setja mér eitthvað ákveðið, ég næ aldrei að standa við það en ég og Inga Huld systir pabba erum að fara í smá átak saman og hefst það 2. janúar, það verður spennandi að sjá hvernig það heppnast vonandi vel bara, ætla meira að segja að taka matarræðið í gegn svona eins og ég get...það verður erfitt þar sem allt sem er hollt hollt finnst mér vera vont vont hahaha

Jæja ætli ég láti þetta ekki bara gott heita og þið megið endilega bæta einhverju við sem þið munið eftir...

Gleðilegt nýtt ár og passiði ykkur á gettunum (þær geta sko verið mjöööög hættulegar) og gangiði hægt um gleðinnar dyr..Takk fyrir það gamla allir sem ég þekki, hittumst hress og kát á nýja árinu sem vonandi ber eitthvað mjög svo skemmtilegt í skauti sér

Ingan kveður í síðasta sinn á því herrans ári 2006....

Já það styttist sko í jólin, ein vakt eftir í 118 og tvær í valrós, til ellefu í kvöld og svo í fyrramálið, þá kemur jólafrí í einn dag og svo heldur skemmtunin áfram hahaha..

Prófin gengu bara svona vel sko, náði eðlisvísindum og allt bara, á enn eftir að fá tvær einkunnir, vonum bara að það hafi gengið eins vel

Þetta verður bara stutt færsla enda er ég í vinnunni og verð því víst að halda áfram að vinna

Gleðileg jól og hafiði það obbó obbóslega gott um jólin, borða sofa borða sofa og sumir kannski vinna og eitthvað...

Ingan (hálfsofandi í vinnunni) kveður með jól í hjarta

Það er bara allt að gerast þessa dagana, eða ekki bara Geri ekkert annað en að læra og það er ekki gaman....Ætti reyndar ekkert að vera kvarta var að koma úr 4 daga reykjavíkur-geraekkineittnemaverslaogleikamér- ferð Sem btw var æði, knúsaði litla hennar mörthu og guð minn góður hvað hann er æðilslegur, er byrjuð að safna fyrir ferð til Danmerkur það er sko klárt mál Svo verslaði maður bara svona nett eins og mér einni er lagið hahaha

Ég er gera síðasta verkefnið mitt á þessari önn, hópverkefni sem við ætlum að reyna klára sem fyrst og svo eru eru það bara 4 próf og þá er maður hálfnaður með þetta blessaða kennaranám  

Þið sem þekkið mig nokkuð vel vitið að ég er svona svolítið eða já ok bara ógeðslega flughrædd og ég sem sagt þurfti að fljúga suður þar sem ég var að flytja fyrirlestur í skólanum btw á ensku, þannig að ég var vel stressuð fyrir hann og líka að fara í flug...þannig að ég ákvað að taka róandi fyrir flugið svo að ég myndi ekki bara fríka út, hef heyrt að þetta eigi að hjálpa til og jú jú þekki eina sem er mjög flughrædd og hún sagði bara já og amen við flugfreyjuna þegar hún bað hana að sitja við neyðarútganginn, þá búin að taka róandi....en nei nei þetta var sko ekkert að virka á inguna, bara gerði ekkert fyrir mig, róaðist ekkert við þetta, en flugfreyjan fær stóran plús hjá mér hún var mjög góð við litlu ingu

Ég er að spá í að skella mér í fjallið í laugardaginn, enda nýbúin að kaupa mér árskort og föt, verð nú að sýna mig og sanna hahaha en það versta er að það bara rignir og rignir hér þannig að það er spurning hvort að snjórinn verði bara farinn þegar að það kemur að því að skella sér á skíði vonum bara ekki

Já það líður að jólum og ég hlakka svoooo mikið til, verst að ég er að vinna alla daga fram að jólum eftir að ég klára prófin, bæði í valrós og 118 og svo er ég í frí 2 daga milli jóla og nýárs, jóladag og 29 þannig að þetta verða ekki afslöppunarjól en jól eru alltaf jól

Heyrðu já þið gellur norðanheiða það er spilakvöld hjá FF 16. des hjá bibbu bumbu spil og djamm og svona skemmtileg heit  þannig að þið sem sjáið ykkur fært um mæta, það verður geggjað...ég þóra og kristín erum reyndar að vinna eitthvað frameftir í Valrós en mætum hressar um leið og við klárum....Eftir skessuna er svo stefnan sett í sjallann þar sem Sálin verður vonandi að skemmta lýðnum....

Jæja prófatíð framundan þannig að annaðhvort verð ég alltaf að taka mér pásu frá lærdómnum og blogga eða ekki og það þýðir að ég er voða dugleg, þannig að það er eins gott fyrir ykkur að vona að ég bloggi ekki aftur fyrren 15 des hahaha

Ingan kveður

Góðann daginn gott fólk

Ég er búin að fá vinsamlegar athugasemdir um það að ég ætti nú að fara drullast til að blogga...þannig að ég verð nú að standa við það

Ég ætla nú að byrja á því að óska afmælisbarni gærdagsins henni Ronju litlu til hamingju með 2 ára afmælið, að það skuli vera orðin tvö ár síðan þessi elska kom í heiminn, ótrúlegt hvað þetta er fljótt að líða. Veislan er svo á morgun og hlakka ég bara til að fara og borða litlu pizzurnar hennar Eyrúnar hahhaha

ÞAð er nú svo sem mest lítið að frétta, vinna, læra, vinna, læra meira, vinna meira og læra....já spennandi ekki satt... En það sem heldur mér gangandi er suðurferðin okkar Pálu, förum 23 nóv og verðum fram á sunnudag ekkert smá mikið æði. Ætlum að fara til Keflavíkur á fim og horfa á körfuboltaleik hjá Sigga og gista svo hjá þeim, það verður geggjað ekkert smá langt síðan ég hitti litlu fjölskylduna  Svo förum við nottla til Reykjavíkur að versla og hitta gellurnar mínar og vonandi bara verður komið eitt baby  í heiminn

Úff ég er farin að hlakka alveg svakalega til jólanna....skil þetta ekki, það er samt fullt af verkefnum og 4 próf og svo öll vinnan eftir, hlakka nú reyndar bara til að fara vinna í valrós svo verð ég líka að vinna á já 118 þannig að það verður nóg að gera hjá mér eins og venjulega, spurning hvort að maður sofni ofaní matardiskinn hahah

Jæja læt þetta gott heita í bili

Æi það er nú að voða gott að það sé komin helgi aftur

Það er svona hálffrí helgi hjá mér er að vinna í dag til 1700 og svo á sunnudagskvöldið.

Ég er nú eitthvað klikka í þessari megrunarkeppni minni, er ekki búin að fara í ræktina í tæpa viku....Til hamingju með sigurinn Hansína mín hahahaha

Það er bara allt crazy að gera í skólanum, en það er svo sem ágætt þá bara líður tíminn ógeð hratt sem þýðir bara eitt að það styttist í jólin Get hreinlega ekki beðið eftir jólunum, uhhm ég elska jólin...En það er nú samt próf og milljón verkefni þangað til

Það styttist í að Martha mín fari að koma með lilla babyið í heiminn, þá verður maður nú aldeilis að bruna suður yfir heiðar og kíkka á gullmolann

Það er búið að plana spilakvöld 11. nóvember í skessunni hjá Bibbunni...það veður svaka stuð hlakka til

ÉG er búin að henda inn myndunum frá lokahófi Magna...kíkkið á það

Sko mína

Við Sína skelltum okkur á djammið á laugardaginn og það var svoooo gaman hjá okkur, ég var búin að vinna klukkan 00.00 já takk, og við stöllur vorum mættar í partý hjá Elmu og Sigga tuttugu yfir 00  já mín var bara búin að fara í sturtu og shinaði mig svo bara í pásunum í vinnunni....erum við að tala um að vera fíkill eða....Allavega leiðin lá í sjallann eftir partýið, og þar var skónum slitið í orðsins fyllstu, við dönsuðum frá því við komum og þar til ballið var búið, ógeð gaman  Leiðinlega við kvöldið var þó án efa að redda sér heim, það tók sinn tíma en hafðist þó og var ég komin í beddann um hálf sex leytið, mætti svo galvösk í vinnu klukkan 11, ég var nú bara ótrúlega hress fyrir utan smá þreytu og skósæri

Ég er byrjuð að æfa á Bjargi þar sem handboltaskórnir voru settir á hilluna í óákveðinn tíma, það er voða fínt og erum við Hansína í keppni, mánuður og hver missir meira....hef nú reyndar ekki mikla trú á minni, en ég geri mitt besta, verst að allt sem hollt hollt finnst mér vera vont vont hahahaha en vonandi sparkar þetta aðeins í rassinn á manni

Við fórum í innanhúsbolta í gær og það var ógeð gaman, ungar komust einu sinni yfir í leiknum og það var sigurmarkið, talandi um að toppa á réttum tíma....Ég og Þóra vorum mjög svo sáttar með leikinn, En HAnsína og SIgrún ekki jafnhressar með þetta...hahaha ég var nú nett pirruð á tímabili í leiknum og var sökuð um að reyna drepa fólk, skaut aðeins í andlitið á Söndru, ekkert viljandi sko, og fólk var með eitthvað diss, ég lét það bara heyra það til baka og fékk sínan mín að heyra það hahahaha en eins og sönnum keppnismönnum sætir voru allir vinir í lokin Takk fyrir gameið girlur...

Svo er það bara smá tjútt á laugardaginn aftur, allt að gerast, held bara að ég sé að breytast í djammara ahaahahhaah allavega verður maður ekki að tékka á Magna í sjallanum, væri reyndar alveg til í að gera eitthvað annað fyrir 2500 kall en ég meina maður verður bara að láta sig hafa það....sé ykkur sem farið þangað

jæja læt þetta gott heita í bili frá 118

Ekki er ég að standa mig í blogginu, það er nokkuð ljóst...en það er bara ekkert gaman að blogga þegar enginn kvittar hjá manni... 

ÉG veit aldrei hvað ég á að bulla hérna inn, er alltaf með eitthvað, en svo bara þegar á að fara skrifa þá bara nei nei...

Stórfréttir: Fékk 7 í eðlisfræðiprófi, djöfull var ég ánægð, nú liggur leiðin vonandi bara upp á við í raungreinum

Spilaklúbburinn sem var stofanður um versló var formlega settur á laggirnar í gærkvöldi, snilldarkvöld, ég, Þóra, Eyrún, Hansína, Stína "bumba", Tinna og Hanna Sigrún. Bumban var dómari..Þóra og Hanna voru saman í liði og byrjuðu gríðarlega vel, allt lék í lyndi þar til Eyrún og Inga fóru á kostum og ekkert gat stoppað þær hahahaha þær fóru svo með sigur að lokun....Hansína og Tinna voru saman og já ætli sé ekki best bara að hafa sem fæst um þeirra frammistöðu, þær voru samt góðar sko
Lætin voru greinilega mikil, því tveir lögregluþjónar heiðruðu okkur með nærveru sinni, þar var sem sagt kvartað, bara hringt beint í svartfuglana....hvað er það  Eftir það brunuðum við bara í bæinn og dönsuðum eins og crazy people Ég og Sína létum okkur svo hverfa um 2 leytið enda báðar að fara vinna klukkan 9, en hinar bytturnar voru að langt fram á nótt hahahahah En ég og sínan ætlum að skella okkur aftur í kvöld og bæta þannig upp fyrir gærkvöldið

Allavega skvísurnar mínar Takk fyrir kvöldið, þetta var ógeð gaman og legg ég til að við byrjum að plana næsta hitting sem fyrst

Jæja ætla að halda áfram að sinna mjög svo miskurteisum og ókurteisum viðskiptavinum mínum hér á 118...

Ingan

Já já fyrsti heimaleikurinn hjá okkur Akureyrargellum er í dag... Ásdís sig og skvísur úr FH koma í heimsókn til okkar...

Hvet því alla til að koma og styðja við bakið á okkur, hlakka sérstaklega til að sjá hvort að einhverjir þórsarar komi, eða hvort það að það verði bara á kalla leikjunum....

Klukkan 1900 í KA-heimilinu...hlakka til að sjá þig

Inga #13